കൊണ്ടമിനിയം എന്നാൽ എന്ത് ?

ഒന്നിലധികം രാഷ്ട്രങ്ങൾ ചേർന്ന് ഒരു ഭൂപ്രദേശം ഭരിക്കുന്ന രാഷ്ട്രീയ സംവിധാനമാണ് കൊണ്ടമിനിയം. അധികാരം പങ്കിടാൻ ധാരണയിലെത്തിയ രാഷ്ട്രങ്ങൾക്ക് കൊണ്ടമിനിയത്തിൽ തുല്യ അവകാശമുണ്ടായിരിക്കും. കൊണ്ടമിനിയത്തിനു മേൽ അധിപത്യം സ്ഥാപിക്കാനുള്ള അംഗരാഷ്ട്രങ്ങളുടെ ശ്രമങ്ങൾ പലപ്പോഴും തർക്കങ്ങൾക്ക് ഹേതുവാകാറുണ്ട്. കൊണ്ടമിനിയത്തിന്റെ അന്ത്യമായിരിക്കും ഈ തർക്കങ്ങളുടെ പരിണിതഫലം. അന്റാർറ്റികയാണ് കൊണ്ടമിനിയത്തിനു നിലവിലുള്ള മികച്ച ഉദാഹരണം. അൻപതിമൂന്ന് രാഷ്ട്രങ്ങൾ ചേർന്നാണ് അന്റാർറ്റിക ഭരിക്കുന്നത്‌. 1876 മുതൽ 1882 വരെ ഈജിപ്റ്റ്‌ യു. കെ യുടെയും ഫ്രാൻസിന്റെയും കൊണ്ടമിനിയമായിരുന്നു. 

നെഹ്‌റു ഷെയ്ഖ് അബ്ദുള്ളയോടൊപ്പം 

ഇന്ത്യയുടെയും പാകിസ്ഥാന്റെയും കൊണ്ടമിനിയമായി കാശ്മീരിനെ മാറ്റണമെന്ന നിര്ദേശം ഷൈഖ് അബ്ദുള്ളയും സി രാജഗോപാലാചാരിയും നെഹ്രുവിനു മുന്നിൽ സമർപിച്ചിരുന്നു. നെഹ്‌റു ആകട്ടെ ഈ നിർദേശത്തിൽ ഏറ കുറെ തൽപരനുമായിരുന്നു. കൊണ്ടമിനിയത്തിന്റെ ഭരണഘടനാ സാധുതയെ കുറിച്ച പഠിക്കാൻ വിദഗ്‌ദ്ധരെ ചുമതലപെടുത്തുകയും ചെയ്തു. നിർദിഷ്ട് കാശ്മീർ കൊണ്ടമിനിയത്തിന്റെ സാധ്യതകളെ കുറിച്ച് അന്നത്തെ പാക്കിസ്ഥാൻ ഭരണാധികാരി അയ്യുബ് ഖാനുമായി ചർച്ച ചെയ്യാൻ ഷൈഖ് അബ്ദുള്ളയെ റാവൽപിണ്ടിയിലേക്ക് അയക്കുകയും ചെയ്തു. നിർദിഷ്ട് കാശ്മീർ കൊണ്ടമിനിയത്തിന് മേൽ ഇന്ത്യ അധിപത്യം സ്ഥാപിക്കുമെന്ന കാരണം പറഞ്ഞ്‌ ഈ നിർദേശം തള്ളികളയാനായിരുന്നു അയ്യുബ് ഖാൻ താൽപര്യം കാണിച്ചത്. ചർച്ച പൂർത്തിയാക്കി ഷൈഖ് അബ്ദുള്ള ഇന്ത്യയിൽ തിരിച്ചെത്തും മുൻപേ നെഹ്രു  മരണമടഞ്ഞു. ഒപ്പം കാശ്മീർ കൊണ്ടമിനിയം എന്ന ആശയവും.